AMED - Rojnameger Rabîa Onver piştî nûçeya xwe ya li ser DAIŞ û Hizbullahê, gef lê hat xwarin.
Nûçegîhana JINNEWS’ê Rabîa Onver a ku der heqê gelek gundên navçeyên Gever û Şemzînan ên Colemêrgê îdiayên cidî yên li ser rêxistinbûna DAIŞ û Hîzbullahê nûçe çêkir, ji aliyê gelek kesan ve li ser medyaya dijîtal bû hedef û heqareta zayendî lê hat kirin. Rabîa Onverê der barê gefên ku di van çend rojên dawî de lê hatine xwarin, serî li Komeleya Mafên Mirovan (ÎHD) da.
Rabîa Onver dê piştre bi rêya parêzerê xwe der barê heqaret û gefan de li dozgeriyê jî gilî bike.