Parêzer Dîlan Kûnt, diyar kir ku ji bo mafê nefeqeyê yên jinan bi tu awayî neyên sînordarkirin divê rêxistinên civaka sivîl bi her awayî tev bigerin û got: "Em ê destekeftiyên xwe ji dest bernedin. Ji bo vê jî em ê heta dawiyê têbikoşin."
Endama Meclisa Jinên Ciwan a HDP'ê îlknûr Şaybak ku ji bo rawestandina tacîz, tecawiz û tundiyê xebatan dimeşîne diyar kir ku dixwazin hemû jinan li dijî zihniyeta zilam bi rêxistin bikin.
TJA'yê Zeynep Kinaci (Zilan bi bîr anî û got: "Ew remz û kesayeta eşqa azadiyê ya serî netewan diye. Kinaci afirînera serdema nû û rêya dîroka berxwedanê guherandiye."
Goksal Saglam ê bi destûrê hat berdan û hevjîna xwe Habîbe Çevîk û xwişka wê Fatma Akdag kuşt rastiyên nû derketin holê. Derket holê ku dema Çevîk xwe avêt stargehê, Saglam li stargehê jî li hevjîna xwe Çevîk xistibû. Tevî ku Çevîk li hemû rayedarên fermî dabûn jî encam negirtibû.
Di 7 mehên dawî de li Mêrsînê 8 jin hatin kuştin. Rêxistinên jinan ên li Mêrsînê, bilêv kirin ku ji bo rê li ber cinayetan bê girtin divê bi beşdarbûyîn hemû rêxistinên jinan toreke hevpar û yekîtiya refleksî pêk bê.
Şaredariya Alîgayaê 179 karker ji kar avêtibûn. Ji van karkeran karkerên jin bilêv kirin ku di şevekê de ji karê xwe yê bi salan hatine avêtin û gotin: "Di vê krîza aborî de em bi awayekî neheq bê kar hatin hiştin. Em karê xwe dixwazin."
Elîf û Kubra Başkala ku terka Stenbolê kirin û vegeriya warê xwe Westanê, ji malan tovên xwecihî berhev dikin û diçînin. Her du jina, got: "Heta ku roj me roj neçe ava em di nav axê de ne. Divê tu jin dest ji axê bernede."
Meclîsa Jinan a HDP'ê ya Stenbolê, ji bo hilbijartina Stenbolê bang li hemû jina kir û got: "Dengê xwe bidin û bibin muşahît û xwedî li vîna xwe derkevin."
Platforma Têkoşîna Ji bo Jinên bi Zorê hatin Revandin, diyar kir ku salek carekê bal kişandina ser rewş û pirsgirêkên panaberan tê rê nake û got: “Berpirsê hemû êşên penaberên polîtîkayên şerin.”
Xwendekarên Zanîngaha Enqerê bertek nîşanî serbest berdana Prof. Dr. Hasan Bîlgîlî yê tecawîzê bijîşka beytar Ç.B. kir dan û gotin: “Heya ku endamên hîndekariyê yên weke Hasan Bîlgîlî ji akademiyan neyin avêtin, em ê dest ji têkoşîna xwe bernedim
Bijîşk Ç.B., bertek nîşanî berdana Prof. Dr. Hasan Bîlgîlî yê êrîş zayendî li dijî wê pêk anî da û got: “Ji bo ku ceza xwe bikêşê eze şerê xwe dewam bikim. Ya ku herî zedê min aciz dike, bi cih ne anîna edaletê ye.”
Sê xwişkên hev ji bo debara xwe bikin, dikanek vekirin û dest bi firotina nanê tenûrê kirin. Her sê xwişk hem çanda nanê tenûrê didomînin hem jî pereyan qezenc dikin.
Prof. Dr. Hasan Bîlgîlî yê li Fakulteya Baytarî ya Zanîngeha Enqerê bi sûcdariya êrîşa zayîndî li dijî Ç.B. pêk anî hatibû girtin, hat berdan. Parêzera Ç.B. Asli Arihan, diyar kir ku ji bo îtîraza biryarê hemû rê girtin û got: “Ji bo ku Bîlgîlî cardin bê girtin emê daxwazneme bidin.”
TJA'yê ji bo Sema Yuce ku sala 1998'an de li Girtîgeha Çanakaleyê agir berdabû laşê xwe û jiyana xwe ji dest dabû daxuyaniyek da û diyar kir ji bo azadiya jinê dê heta dawiyê têbikoşin.
Li Hatayê, di 25'ê Mijdara 2014'an de li dijî şideta li hemberî jinê çalakiyek hatibû lidarxistin. Piştî 5 salan ji ber vê çalakiyê der barê 17 jinan de doz hat vekirin.