Rihayiyên ku bi meha çileyê re fatûreyên bargiran ji wan re hatine, diyar kirin ku meaşê kêm û meaşê teqawiden berî ku têkeve bêrîkê dihele û got: "Em çi bibînin biha dibe. Me gaz dît, biha bû."
Abdultahir Kaynak ku behsa tihîna bi nav û deng a Çelê kir ku li gundê Biyadireyê di aş de tê çêkirin, got ku aş ne bi pereyan bi kunciyan digere.
Nanê pîde yê 400 gram ku li Amedê bi 7 TL’an dihat firotin bi zema nû re bû 8 TL.
Serokê berê yê Odeya Hesabgir û Muşavîrên Malî yê Serbest Îbrahîm Şahîn diyar kir ku çendî li Wanê deriyên sînor hene jî di îxracatê de di rêzên dawî de ye û ev ji ber polîtîkayên dewletê ye.
Li Êlihê, karkerê înşaatê Hamdîn Geyîk li înşaata lê dixebitî ket û jiyana xwe ji dest da.
Ji sibe û şûnde li Enqereyê dê simît êdî bi 7 lîreyan were firotin.
Karkerên înşaetê yên Amedê ji bo protestokirina heqdestê yewmiyeyê û mercên xebatê çalakî li dar xistin. Kakeran xwestin ku bihayê herî kêm ê yewmiyeyan bib 600 lîre.
Karkerê bi navê Omer T. ku li kargeha Etî Bakirê dixebitiya, ji ber kevirê bi ser de hate xwarê birîndar bû.
Şaxên Egîtîm Senê yên Amedê têkildarî heyama yekemîn ya sala perwerdehiya 2022-2023’yan raporek parve kir û da zanîn ku perwerdehiya li dibistanan tê dayîn ji zanist û perwerdehiya zimanê zikmakî dûr e.
Karkerên firinan ên Amedê dev ji kar berdan û bi vê çalakiyê hewl didin dengê xwe bidin bihîstin. Karkeran wiha got: “Em dixwazin şert û mercên me yên xebatê bên başkirin û heqê keda me were dayîn.”
Li Wanê, welatiyên ku bi hêviya dîtina berhemên erzan, bazara gel tercîh dikin wiha gotin: “Em bêyî ku tiştekî bikirin vedigerin. Rêveberan vî welatî xistin vî halî."
Dikandarên Kompleksa Hala Zebze û Fêkiyan a Tomerî ya Wanê diyar kirin ku ew nikarin kar bikin û anîn ziman ku heke krîz wiha berdewam bike ew ê neçar bin ku dikanên xwe bigirin.
Dikandarên li bazarên semtan dixebitin gazin kirin ku kar nîne û welatiyan jî anîn ziman ku ji ber bihabûnê nikarin dan û standinê bikin. Gel, bi lêv kir ku ji her du aliyan jî mexdûr in û wiha gotin: “Em li benda hilbijartinê ne, divê desthilat were guhertin.”
Platforma Şaxan a KESK’ê ya Amedê û Platforma Ked û Demokrasiyê ya Êlihê daneyên enflasyonê yên ku TUÎK’ê eşkere kir û zemkirina meaşan a ji aliyê hikûmetê ve protesto kirin û gotin: “TUÎK enflasyona rastî vedişêre.”
Esnafên Mêrdînê diyar kirin ku Midûriyeta Herêmê ya Weqfan kirêyên kargehên wan ji hezar û 500 lîreyan derxistiye 5 hezar TL’an û ji wan re gotiye: “Hûn dikarin dikanên xwe vala bikin. Em ê dikanan bidin ber muzayedeyê.”