Berdevka Meclisa Jinan a DEM Partiyê Halîde Turkoglu bal kişand ser çalakiyên li dijî şerê taybet ên li Kurdistanê û got: "Em ê li hemû bajaran ku em lê bi rêxistin in, bi jinan û komên têkel re komxebat û çalakiyên li dijî polîtîkayên şerê taybet li dar bixin."
Mamosteyên zimanê kurdî yên 4 roj in di binçavan de ne sewqî edliyeyê hatin kirin.
Nivîskar Adil Ercan destnîşan kir ku êrişên li dijî saziyên zimanê kurdî ji polîtîkayên asîmîlasyonê cuda nîn in û wiha got: “Em ê bi bêhtir axaftina kurdî ve bibin bersiv.”
Faîlên Ceylan Onkol a bi guleya hewanê ya ji qereqolê hate avêtin hate qetilkirin 15 sal in nehatin darizandin. Hevala Onkolê, Senîha Onkol wiha got: “Ji ber ku kujer dewlet e hat veşartin.”
Pispora înformatîkê Fusun Sarp Nebîlê teqandina amûrên bangawaziyê yên ji aliyê Îsraîlê ve li Lubnanê tên kirin wekî êrişeke sîxûrtiyê pênase kir. Pisporê Rojhilata Navîn Îslam Ozkan jî anî ziman ku dê şer heta hilbijartinên Amerîkayê dijwartir bibin.
Hevberdevka Komîsyona Hiqûqê ya DEM Partiyê Sevda Çelîk Ozbîngol West lêpîrsîna cînayeta Narîn Guran bê kûrkirin û got: “Belavkirina girtekên dosyeyê dide nîşandan ku hewldanek heye ku delîlan ji holê rake.”
Parlamenterê DEM Partiyê Sirri Sakik diyar kir çaresernekirina meseleya kurd Tirkiye veguherandiye welatekî ku mirov lê nikare bijî. Sakik, ji bo mitînga ku dê di 13'ê cotmehê de li Amedê bê lidarxistin jî bang kir û xwest her kes dengê aştiyê bilind bike.
Parêzer Fûnda Bûyrûk diyar kir ku di sala dawî de 2 caran êrişî li avahiya DEM Partiya Edeneyê bûne, lê berpirs nehatine darizandin û got: "Gava mesele DEM Partî be, hiqûq nayê xebitandin."
Malbata Ozturk li Dîlokê dijî ji malbatê 2 kes girtî ne. Ji ber ku her girtiyek li bajarekî cuda tê ragirtin, bi sala ye malbat di navbera 3 bajaran de tê û diçe.
Rojnamevan Hawre Karwan diyar kir ku hilbijartina ku li başurê Kurdistanê bên lidarxistin wê ne weke hilbijartinên berê bin û got: “PDK ketiye nava tirsa windakirinê. Ji ber vê yekê PDK dixwaze hilbijartin bê lipaşxistin.”
Girtiyên li Girtîgeha Hejmar 2 ya Ewlehiya Bilind a Dûmluyê tên ragirtin destnîşan kirin ku ew di bin tecrîdekî giran de tên ragirtin û diyar kirin ku serşok û daşir 24 saetan bi kamerayan ve tên temaşekirin.
Nazlican Guneş û Muzeyyen Baran li du bajarên cuda heman karî dikin û têkoşîna jiyanê didin. Guneşê jî Baranê jî ji bo jin ji hêla aboriyê ve berhewce nebin bang kirin.
Omer Deniz ê ku li gundê Cewekûmbet ê navçeya Bazîdê şivantî dikir, li nêzî nuqteya leşkeran bi awayekî qetilkirî hat dîtin.
Li Rihayê êrişên li ser kurdî û saziyên zimanê kurdî hate protestokirin û wiha hate gotin: “Em ê bi axaftina zimanê kurdî bersiva êrîşan bidin.”