Parêzer Aydin Ozdemîr têkildarî mutalaya doza Narîn Guran axivî û diyar kir ku di rewşa heyî de piraniya rastiya madî ya dozê derketiye holê. Ozdemîr got ku ji bo kesên Narîn qetilkirin cezayê xwe bikeşînin dê heya dawiyê hewldanên xwe bidomînin.
Li gorî agahiyên destpêkê, di rêzeqezaya li Bedlisê de ku 23 wesayîtan qeza kir, 31 welatî birîndar bûn.
Meclisa Leşkerî ya Minbicê ragihand ku hêzên wan hewldana dewleta tirk û komên paramîlîter a ketina gundê Til Eswedê ya Minbicê hatiye şikandin.
Girtiyên li Girtîgeha bi Ewlekariya Bilind a Sulucayê tên ragirtin diyar kirin ku lêgerîna nava dev li wan tê ferzkirin, aktîvîteyên wan ên civakî tên astengkirin û destûr nayê dayin ku di navbera xwe de bi kurdî biaxivin.
Rojnameger-nivîskar Yûsûf Karadaş diyar kir ku êrişa HTŞ’ê ya li hemberî Helebê, encama plana DYA-Îsraîlê ya jinûve dîzaynkirina herêmê ye û wiha got: “Rejîma Erdogan a bi HTŞ û SMO’yê re derketî rê, bi xetereyên mezin re rû bi rû ye.”
Mamoste Sîbel Suna ku ji ber protestokirina tayînkirina qeyûm ji peywirê hate dûrxistin diyar kir ku ew poşman nîne û wiha got: “Ji ber ku tişta di dema qeyûm de hatiye kirin zilm bû, ez nikarim piştgiriyê bidim wê zilmê.”
Emîn Newroz Korkmaz ê li Girtîgeha bi Ewlekariya Bilind a Antalyayê tê ragirtin, sewqî Nexweşxaneya Diranan a Kepezê hate kirin. Li nexweşxaneyê li Korkmaz hate ferzkirin ku dê di dema tedawiyê de destên wî kelemçekirî bin. Korkmaz ê li dijî vê derketî ji hêla leşkeran ve hate derbkirin.
Hevserokên KNK'ê diyar kirin ku ji bo Rojhilata Navîn ji vê qeyrana şer derkeve, paradîgmaya Rêberê PKK'ê Abdullah Ocalan bivênevê ye û wiha gotin: "Pêwistiya çareseriya van krîzan bi felsefeya birêz Ocalan û nexşerêya wî ya çareseriyê heye. Ji bo hevdîtina bi rêzdar Ocalan re divê tekoşîn bê mezinkirin."
Ji ber mija zêde ya li navenda Amedê, navbera dîtinê heta 10 metreyan jî ket.
Meclisa Taxên Şêxmeqsûd û Eşrefiyê diyar kir ku hin aliyên girêdayî dewleta tirk bi îdiayên nerast hewl didin ku taxê ji niştecihên wan vala bikin û bêyî garantiya navneteweyî berê wan bidin Efrînê. Meclisê bang li şêniyan kir ku bi van îdiayan neyên xapandin.
Meclisa Leşkerî ya Dêrezorê diyar kir ku komên paramîlîter ên girêdayî Tirkiyeyê û DAIŞ’ê li bejahiya Dêrazorê dîsa bi cih bûne û ragihand ku ew derbasî navenda bajarê Dêrezorê û rojavayê Firatê bûne.
Hevberdevka komîsyona kongreyê ya KURDÎGEH'ê Leyla Çakir diyar kir ku dê komeleya wan kongreyê li dar bixe û ev bang kir: “Em ê di demeke nêz de kongreya KURDÎGEH’ê pêk bînin. Bila hemû zimanhez û dildarên zimanê Kurdî li derdorê KURDÎGEHê bibin xelek.”
Mehmet Turgay ê 32 sal bûn di girtîgehê de, ji Girtîgeha bi Ewlekariya Bilind a Burdurê hate berdan.
Fermandarê Giştî yê HSD’ê Mazlum Ebdî got: “Rewşekî leşkerî û siyasî ya nû derket holê. Em ji bo çareseriya pirsgirêkan amade ne. Divê Bakur û Rojhilatê Sûriyeyê di nîqaşên çareseriyê de cih bigire.”