Hevseroka Giştî ya DEM Partiyê Tulay Hatîmogûllari di 14’emîn Lijneya Giştî ya Komeleyên Çandê yên Elewiyan de axivî. Tulay Hatîmogûllari, diyar kir ku wan nêrîn û pêşniyarên Elewiyan ji îmraliyê re vegotine û ev bersiv ji wan re hatiye dayin: “Elewî tam di dilê vê pêvajoyê de ne. Avakirina komara demokratîk, deynê stûyê me tevan e. Bila ev bang bi vî awayî bê qebûlkirin.”
DBP’ê kesên di Komkujiya Helebceyê de hatin qetilkirin bi bîr anî û bang kir ku Komkujiya Helebceyê weke sûcê li dijî mirovahiyê bê qebûlkirin.
Welatiyên tev li pîrozbahiya Newroza Bismilê bûn, diyar kirin ku ew dixwazin di Newroza 21’ê Adarê de Abdullah Ocalan di nav gel de bibînin û dixwazin di Newrozê de biaxive.
Şahidên Newroza 1992’yan a Nisêbînê ku 21 kes hatibûn qetilkirin û zêdetirî 100 kesan jî jiyana xwe ji dest dabûn, têkildarî banga dîrokî ya Abdullah Ocalan wiha gotin: “Divê hemû jin û hemû zilam bibin derwêşên vê manîfestoyê.”
Welatiyên tevlî civînên gel ên piştî banga dîrokî ya Abdullah Ocalan hatine destpê kirin bûn gotin ku niha divê dewlet jî êdî gav biavêje.
Parêzer Esra Bîlen diyar kir ku yek ji rojnamegerên girtî Bîlge Aksû di heman demê de nexweşiya gûtê pê re heye û Mehmet Uçar rastî binpêkirinên cuda tên.
Hevseroka DAD’ê Kadriye Dogan anî ziman ku divê Elewî qadên Newrozê dagirin û endama DÎK’ê Perva Înal jî wiha got: “Newroz, hemû gel û baweriyan tîne gel hev û divê her kes tev li bibe.”
Zeen ku li Sûriyeyê dijî, diyar kir ku li Sûriyeyê Elewî tên qetilkirin, malên wan tên talanknirin û şewitandin. Zeen, xwest qada navneteweyî li dijî êrişan Elewiyan biparêzin.
Beriya Newroza ku dê di 23’yê Adarê de li Qada Yenîkapiyê were lidarxistin, li Stenbolê agirê Newrozê dê li gelek navçeyên wê were vêxistin û ji navçeyan dê 500 wesayît welatiyan veguhêzin qadên Newrozê.
Pîrozbahiyên Newrozê wê li zêdeyî sed navendên Ewropayê bên lidarxistin. Hevseroka KCDK-E Zubeyde Zûmrût got ku dirûşma pîrozbahiyan ya bingehîn azadiya fîzîkî ya Abdullah Ocalan e.
Ciwanan li Rihayê ji bo pîrozbahiya Newrozê ya 20’ê Adarê belavok belav kirin.
3’yemîn Konferansa Rojhilata Navîn û Aştiyê’ ku dê du roj bidome, destpê kir. Di konferansê de behsa rola Rêberê Gelê Kurd Abdullah Ocalan ya di pêvajoyê de hat kirin û hat destnîşankirin ku ji bo aştiyê tenê bêdengbûna çekan têr nake.
Li Enqere û Stenbolê bal kişandin ser rewşa girtiyên nexweş Mehmet Emîn Vural û Abdulmenaf Aytaç û tehliyeya wan hate xwestin.
DEM Partî piştî banga dîrokî ya Rêberê Gelê Kurd Abdullah Ocalan hevdîtinên xwe yên bi saziyên sivîl re didomîne. Di vê çarçoveyê de DEM Partî serdana DÎSK’ê kir.