Jina ji Ozbekistanê F.E., li cihê ku dixebitî bi hewldana êrîşa zayendî ya D.O. re rû bi rû ma. F.E. aşkera kir ku wê hêj bûyer ji ser xwe neavîtiye, lê ji ber ku kesî piştgirî nedaye wê bi gazinc e. Parêzer Elîfgul Yalçin jî da zanîn ku ew bawer dike ku dê D.O. ceza bigire.
Piştî QSD'ê Reqqa ji destê DAIŞ'ê azad kir, Endamên YPJ’ê di bin posterê Rêberê PKK'ê Abdullah Ocalan de daxuyanî dan û diyar kirin ku ew Reqqa diyarî Jinên Cîhanê û Ocalan dikin. Jinên Îzmirî diyar kirin ku ew dê li vê serkeftina ku diyarî wan hatiye kirin xwedî derkevin.
Li Datçayê, li “Cihê Hunera Kuçeyê ya Destan” ku ji aliyê jinan ve hat çêkirin û ji 18 dezgehan pêk tê, jin tiştên ku bi destan çê dikin difiroşin. Li vî cihî bi her awayî piştevanî heye.
TJA, li Wanê panela "Em dê kuştina jinan rawestînin, jiyanê azad bikin" pêk anîn. Di panelê de Parlamentera HDP'ê ya wanê Bedîa Ozgokçe Ertan, bal kişand ser rewşa Rêberê PKK'ê Abdullah Ocalan û diyar kir ku kengî deriyê Îmraliyê tê vekirin bêhna gel derdikeve.
Selma Asiye ya ku bi çêkirina rîçalên xwezayî debara mala xwe dike, bi nivîsên li ser dezgeha xwe nivîsandîn peyamên civakî dide.
Jina bi navê Kiymet Tektaş ji hevjînê xwe yê heşîş dikişand veqetiya, li Sûrê dezgehê zebze û fêkiyan vekir û pê debara xwe dike. Tektaş da zanîn ku wê nêrîna li dijî jinê bi têkoşînê şikandiye û wiha got: "Tiştên civak dispêre me hin hatin guhertin."
Li navçeya Pîranê ya Amedê Vuyriye Tekîn li parkek şaredariyê bufek vekiribû û nane sêlê çêdikir. Lê bufeya Tekîn ji aliyê qeyûm ve hat girtin. Tekîn got ku piştî qeyûm dikana wê girtiye li gel keça xwe cihek nû vekiriye û gav paş de neavêtiye.
Piştî Reqqa hat azadkirin, endamên YPJ’ê gotin “Em serkeftinê diyarî jinên cîhanê dikin". Jinên Amedî azadkirina Reqqa ya bi destê jinan silav kir. Jinên Amedî diyar kirin ku daxuyaniya Jinên YPJ'ê kelecana jinan zêde kir û li dijî hişmendiya mêrê serdest bû bersîv hêz û hêviya jinê zêde kir.
Jinan bertek nîşanî qanûna ku erka mahrbirînê dide miftitiyan û li meclisê de hat erêkirin, dan. Jinan diyar kir ku dê li dijî pêşnûmeyê paşve gav navêjin.
Berdevka Jinan a Platforma Şaxan a KESK'ê ya Amedê Rozerin Çatak, diyar kir ku jin li dijî KHK’ê bi hêza xwe ya xweser di ber xwe didin.
Jinên Amedî, bertek nîşanî pêşnûmeya erka mahrkirinê dide miftiyan ku di Meclîsê de hat erêkirin, dan û wiha gotin: “Divê em li dijî qanûnên jinan dixin hedef xwe birêxistin bikin.”
Naîde Uçar ku 20 sal in di zeviya Hinaran dixebite, diyar kir ku ji ber giraniya kar li pişt û stuyê wê fitiq peyda bûye, lê belê tevî vê yekê jî keda jinê nayê dîtin.
Parêzer Ceren Şîmşek diyar kir ku heke Dadgeha Bilind der barê dosyaya Hatîce Kaçmaz a ku dadgeha herêmî biryara "bi zanebûn kuştiye" xirab bike, dê bibe biryareke emsalî û wiha got: "Heke biryar xirab bibe, ew mêrê ku Hêlîn kuşt, dê pêşî li darizandina wî jî vebe."
Du jinên binavê Sevgî Yilmaz û Saadet Kaya, li dijî têgîna “Jin nikarin bikin” , “Xwarinpêja Sevgî Saadet” vekirin û bi tehmxweşiya destên xwe hewl didin fast Foodlarên li bajêr ji holê rabikin.
Jinên bi armanca pêşnûmaya zagona ku erka mahrê dide muhtiyan şermezar bikin, li pêş meclîsê kom bûn, rastî êrîşa polîsan hatin. Polîsan piştî êrîşî çalakiya jinan kir, gelek jin binçavkirin.