Di rapora ‘Welatiyên Tirkiyeyê yên Tevlî DAIŞ’ê Bûne û Vegeriyane’ ya Koma Qrîzê ya Navneteweyî de hatiye diyarkirin ku welatiyên ku tevlî DAIŞ’ê bûne û vegeriyane di navbera 5-9 hezaran de ne û piştî ku 3-4 salan rakevin dê bên berdan.
Hikûmeta Çînê, ‘Qanûna Ewlehiya Neteweyî’ ku tê plankirin li Hong Kongê pêk bîne erê kir.
Serokê FED’ê Jerome Powell, diyar kir ku bi awayekî awarte aboriya Amerîkayê di rewşeke ne diyar de ye.
Serokkomarê Fransayê Macron bi Serokdewletê Rûsyayê Pûtîn re civiya û ragihandin ku di serî de li ser Lîbya û gelek mijaran amadene ku bi Rûsyayê re xebatên hevpar bikin.
Serokkomarê Iraqê Berhem Salih li ser bombebarana Tirkiyeyê ya li ser xaka Herêma Federe a Kurdistanê got; “Divê binpêkirinên ji aliyê eskerên Tirkiyeyê ve li ser serweriya xaka Iraqê pêktên û sînor derbaskirina balafirên şer ku bûye sedemê mirina gelek welatiyan, werin rawestandin.”
Wezîrên Karên Derve yên ereban, diyar kir ku çareseriya siyasî ya Libyayê di qutkirina transferiya mirovên biyanî ya Lîbyayê re derbas dibe. Wezîran xwest Neteweyên Yekbûyî û civaka Navneteweyî biryarên Konferansa Berlînê têxin meriyetê.
Çalakgerên ku ji herêmên cuda yên DYA'yê tev li çalakiya George Floyd bûn, diyar kirin ku çalakiyê rê li pêş guhertinek mezin vekir. Çalakger Canaan Mattson xwest gelê cîhanê bi cavên berxwedêran rastî û heqîqetê bibîne.
Li seranserê Cîhanê hejmara kesên ku bi vîrûsê koronayê ketine ji 467 hezar kesî derbas kir û hejmara kesên ku pê ketine jî nêzî 9 milyonan bû.
Komîsyona Venedîkê ya girêdayî Konseya Ewrpayê, tayinkirin a qeyûman ên şaredariyên HDP'ê li dijî prensîpên demokrasiyê dît.
Misrê, êrîşên hewayî yên Tirkiyeyê yên li ser Herêma Kurdistana Federe ya Iraqê şermezar kir û got: "Êrîş, pirsgirêkan kûrtir dike."
Serokwezîrê Yewnanistanê Kîrîakos Mîçotakîs, bang li Tirkiyeyê kir ku dev ji xeyalên xwe yên belavbûna xeta boriyê berde.
Komeke penaber ku dixwest di ser Deryaya Spî re biçe Ewrûpayê noqî deryayê bûn. 34 penaber di nava pêlên deryayê de xeniqîn.
Li Şamê, bav ji ber xizanî û birçîbûnê 3 zarokê xwe fetisandin.
Dîrektorê Giştî yê Rêxistina Tenduristiyê ya Cîhanê (WHO) Tedros Adhanom Ghebreyesûs, ji bo vîrûsa koronayê hişyarî da û diyar kir ku di asta kadî de şewba koronayê ber bi rewşeke ne baş ve diçe.
Pispora Rojhilata Navîn Hamîde Yîgît îdia kir ku dibe Tirkiye û Rûsya di hêza hewayî de li qada hewayî ya Sûriyê rûbirû bimînin.