Seroka ÎTO Dr. Pinar Saip, bal kişand zer pêşnûmeya ku li meclîsê tê niqaşkirin û wiha got: "Pêşnûmeya Qanûnê ya Di Tenduristiyê de Tundî" ku wekî "Pêşnûmeya Qanûna Tundiyê ya Nû" anîn pêşberî me, tu daxwaz û pirsgirêkan çareser nake. Ji ber vê yekê tu wateya vê pêşnûmeyê tune ye.
Odeya Bijişkên Êlihê û Şaxa SES’ê a Êlihê derbarê “qanûna tundiya di tenduristiyê de” daxuyaniyek hevpar dan û gotin: “Desthilatdar hewl dide bi qanûna tundiya di tenduristiyê de” raya giştî bixapîne. Ji bo ku pêşnûme neyê qebûl kirin, emê li her derê xwe bi rêxistin bikin.”
Li Mêrdînê, bi hinceta "ji bo îstikrara fiyetan" îxracata ard hat rawestandin û ji ber vê jî li aşên ard fiyetê ard nêvî nêvî daket. Hilberîneran anî ziman ku ji ber vê cotkar jî dixisrin û ji ber nebûna pereyê pêşin ketine tora bankeyan.
Rojanemava Ercument Akdenîz, destnîşan kir ku karkerên sûriyeyî yên bi heqedesteke kêm tên xebitandin, berê sermayeya biçûk navîn ji pişta wan dixwar, lê belê niha jî rasterast holdîng ji pişta wan dixwin. Her wiha Akdenîz, li hemberî vê rewşê sekna sendîkayên karkeran jî rexne kir.
Esnafên Kooperatîfa Temîn û Belavkirinê ya Êm û Kayê ya Gola Wanê, diyar kirin ku êdî tu xêr di karê wan de nemaye û hindik maye top bavêjin.
Serokê Şaxa Emeklî Sen a Mêrsînê Adil Aleybeyoglû, bertek nîşanî neçareserkirina pirsgirika temenê teqawidbûyînê da û xwest mafên wan bên îadekirinç Kamîl Morê teqawidbûyî jî, bal kişand ser debarkirinê û got, di nav deynan de mane.
Serokê Giştî yê SES’ê Îbrahîm Kara, diyar kir ku Pêşnûmeya Qanûna Torbe ya Tenduristiyê ya AKP’ê pêşkêşî Meclîsê kir dê tundiyê asteng neke û got: “Me carek din dît ku AKP li şûna tundiya di tenduristiyê de asteng bike, tenê qîma xwe bi girtin û cezakirinan tîne.”
Karkerên, ji ber heqê wan nayê dayîn 37 roj in li ber înşeata lê dixebitîn çalakiyê li dar dixin. Xwediyê fîrmaya taşeronê jî tev li çalakiyê bû.
KESK’ê bernameya xwe li dijî krîza aborî aşkere kir û got dê li dijî krîza aborî li gelek deveran mitîngan li dar bixe.
Komisyonên Hala Mêrsînê diyar kirin ku ji ber Enflasyon zêde dibe, lêçûna rençberan zêde bûye malên ku ji rençberan dikirin bûha dikirin û neçar dimînin ku buha bifroşin. Komîsyonvanan da zanîn ku di demsala pêş de dê buhayê zebze û team bêtir zêde bibe.
Fabrîkayê veguherînê, ji ber krîza aborî tên girtin. Li Edeneyê Ramazan Alkanê ku karê veguherînê dike got: "Li Dîlokê 10 fabrîke hatin girtin." Alî Ozberk jî destnîşan kir ku, pêdiviya wan bi desteka dewletê heye.
Zinar Duymak ê li Cizîrê hostatiya boyax û gêçê dike, dikana berî 5 mehan vekir, ji ber krîza aborî hatiye ber girtinê. Duymak, diyar kir ku hezar çarî pîşman bûye ku dikan vekiriye.
Gundiyên li ser sînorê Herêma Kurdistana Federe bazirganiyê dikin, ji ber qedexeyên du salan ên li herêmê, êdî nikarin debara xwe bikin. Gundiyên gundê Mînyanîş a Çelê, diyar kirin ku ligel hemû tiştan jî nexwazin gundên xwe terk bikin û bi rêbaza zibarê hewl didin debara xwe bikin.”
Platforma Ked û Demokrasiyê ya Amedê di salvegera KHK’ya hejmara 675’an a ku bi hezaran kedkar îxrac bûn û bi dehan saziyên çapemeniyê hatin girtin de vê peyamê da: “Em ê çongê netewînin.”
Beriya sibê Balafirgeha 3’yemîn a Stenbolê bi merasimekê vekin, 4 karkerên balafirgehê ji kar avêtin.