
Bi hezaran kes tev li Mihrîcana Zeytûnê ya Dêrikê bûn  

2025-10-28 10:00:40


	MÊRDÎN - Bi hezaran kes tev li konsera hunermend Xêro Abbas bûn. Konser, di çarçoveya Mihrîcana Zeytûnê de ji hêla Şaredariya Dêrikê ve hat lidarxistin.&nbsp;

	&nbsp;

	Li navçeya Dêrikê ya Mêrdînê di çarçoveya 3’yemîn Mihrîcana Zeytûnê de konser hat dayin. Di konserê de hunermend Xêro Abbas û Sorjiyan derketin ser dikê. Bi hezaran kes tev li konserê bûn. Jin bi cil û bergên Kurdî tev li bûn û li qadê dîmenên rengîn hebûn. Beşdaran gelek caran dirûşmên “Bijî Serok Apo” û “Azadî azadî ji Rebertî re Azadî” berz kir. Hevşaredarên Dêrikê Cengîz Temellî û Songul Ozbahçecî welatî silav kirin.&nbsp;

	&nbsp;

	Wekîla DEM Partiyê ya Mêrdînê Bêrîtan Guneş Altin jî got ku Tevgera Azadiyê ya Kurd bi biryara xwe hewl dide pêşiya aştî û demokrasiyê veke û xwest dewlet jî gavên şênber biavêje. Bêrîtan Guneş Altinê, got ku azadiya fîzîkî ya Abdullah Ocalan yek ji xalên sereke ya pêvajoyê ye û got: “Divê deriyên Îmraliyê tavilê bên vekirin. Em ji birêz Ocalan bawer in. Gel dixwaze birêz Ocalan li cem xwe bibîne û pêvajoyê azad bimeşîne.”&nbsp;

	&nbsp;

	Piştî axaftinan, hunermend Xêro Abbas û Sorjiyan derketin ser dikê. Bi hezaran kesan bi hev re stran gotin û piştî konserê çîçek dan hunermendan. &nbsp;&nbsp;

	&nbsp;